#辦公室戀情真諦


身邊十個有九個半朋友都會話唔好搞...

#辦公室戀情真諦


身邊十個有九個半朋友都會話唔好搞辦公室戀情
喺到食唔好喺到痾啦～公私分明啲好.. 等等


我不同意呢！
辦公室戀情其實有好多好處啦
尤其我呢啲讀女校無試過同隔離班男同學拍拖
唯有同隔離部門既麥仔拍拖補償我失去既那些年啦


不過，我都好同意，辦公室戀情多好多野忌諱
例如被其他人談論是必定的
當日我同麥仔岩岩一齊，已經好快被各位大嘴巴唱開
但同樣，其實大家都不是真的在意，
只要大大方方，其實好快就不再新鮮，無咩好再討論


同埋麥仔教識我最重要係低調低調低調
喺公司不能太親密是基本啦
都不要太暴曬戀情，總之低調就不會那麼討人厭
不過最難係要做到公私分明
好彩我同麥仔無咩利益衝突所以好易處理


總之～我想說的就是辦公室戀情都有樂趣
而重點係，如果畀您喺公司遇到個好鍾意既人
您仲會諗到咁多「喺到食唔好喺到痾」咩
您會因為佢係同事而放棄面前既愛咩
如果會既，您都只係未夠鍾意姐
所謂既理智 都只會出現喺事情未發生自己身上之前。


而好可惜既係 好快好快我同麥仔就唔再係同事嚕
嗚呀嗚呀嗚呀！

---